Tuesday, February 2, 2021

推廣開始必然遇上的陷阱

錄音:

文字:

Hello大家好!

今日,我就想講一講推廣必然遇上嘅陷阱。

如果大家同經有一個壞嘅經驗,我哋應該去點樣面對呢?

舉一個例子:如果你曾經有一個家長向你嘅家庭托兒做出難以接受嘅行為,例如:經常遲到接送嘅家長、唔跟從你嘅方法或者拖欠學費。

你會唔會因此對呢個家長感到厭惡?

假如家長係其他種族。

你會唔會因為呢一個特別嘅家長,認為所有嘅家長都係如此呢?

再講如果你發現除咗呢個家長,仲有第二個或者第三個家庭,差唔多背景都有類似行為。

你會唔會下一次遇到類似嘅家長,馬上就對呢一個家長或者小朋友貼上標籤,然後聯想從前嗰個壞嘅經驗呢?

點解我要帶出呢一個題目?

因為當你開始推廣你嘅托兒服務嘅時間,你會有好多機會接觸唔同嘅家庭,同之前接觸過、未接觸過,都有更多嘅機會會碰上。

假如你對每一個新嘅查詢嘅家庭未見面,就已經腦袋就有一個唔好嘅事。

你自然會有可能流露出一啲偏見。

敏感嘅家長感受到不好嘅對待,對你嘅好感亦都會影響。

因此我希望畀大家一個預告,畀大家做好一個準備,唔會唔小心踏入呢一個陷阱 。

No comments:

Post a Comment